Etong tulang ito ay based sa kanta ni Toey Sittiwat na pinamagatang "I cant hug you" na syang isang OST ng Make It Right The Series, na kinababaliwan kong Thais Series mapasahanggang ngayon. Super nakarelate ako sa emosyon ng kanta. Kaya alay ko sayo to Book, ung character ni Toey.

About the title, ginawa ko syang english dahil gusto ko ung duality ng interpretation ng "Last Night", pwede syang 'Kagabi' or 'Huling gabi'. Sa bandang dulo, bahala na si reader kung iinterpret nyang kung ang pinatay ba nung narrator eh ung sarili nya (suicide) or ung damdamin nya (nagmove on).

Last Night ni Wilter Von Phar

Nakatingin lang ako sa langit
Minamasdan ang mga bituin
Gumugulong ulap sa ihip ng hangin.
Malamig. Pero di naman ako nanginginig.
Malamig, un ang nararamdaman ko.
Malamig. Dahil sa gabing ito.
Lilisan ka na katulad ng mga ulap
Na kanina'y sa buwan nakatakip.

Nasa tuktok tayo ng gusali
Di ko na maalala kung san yon
Basta andun tayo. Nakatayo.
Sa ilalim ng liwanag ng buwan.

Lumingon ako sayo.
Nakatayo ka lang doon.
Nakatingin. Seryoso.
Hindi ko naman masabing galit
Pero hindi ka kasi nakangiti.
Lumapit ako at tumayo sa harap mo.
Ngayon magkatingin na tayo.
Habang bumabagsak ang liwanag ng ilaw ng buwan sa ating mga mukha

Gusto kong tumigil ang oras
Yun bang wag na matapos ung ating tagpo
Alam ko kasing un na ang huling beses na magkakaharap tayo ng ganun
Tinititigan kita na para bang kinakabisado ko ang bulto mo
Magkatingin pa rin tayo
Akala mo nag uusap gamit ang paningin
Pero wala akong maintindihan sa gusto mong sabihin o ipahiwatig
Sapagkat hirap na akong pigilin ang mga luha kong pumatak

Hindi na ako nakatiis.
Lumapit ako para yakapin ka.
Sinubsob ko ang mukha ko sa kaliwang balikat mo
Sabay ng pagpulupot ng mga braso ko sa iyong balikat at leeg
Niyapos mo na din ako sa tagpong yon
Huminga ako ng malalim
Inalala ko ang dahilan kung paano tayo umabot sa ganito

Hinigpitan ko pa yapos ko sayo
Sa pagalala ko sa lahat ng mga tagpo natin
Ung mga ngiti mo
Ung mga tawa mo
Ung mga titig mo
Lahat ng yon bumalik sa aking tanaw
Habang ang ulo mo'y nakabagsak din sa balikat ko

Sa bandang huli, unti unti akong bumitaw sayo
Unti unti nagkalayo ang mga katawan natin
At muling bumalik ang ginaw ng paligid
Magkaharap tayong muli
Nagkakatitigan nanaman ulit.
At katulad ng pagbitaw ko sa iyong mga bisig
Ikaw na ang bumitaw sa ating pagkatitig
Dahan dahan ka nang naglakad pabalik
Tumalikod, at tinungo ang daan paalis

Naiwan ako sa lamig at luwag ng bubong
Habang pinapanood kang unti unting mawala.
Nais kong sumigaw
Nais kong humiyaw
Nais kong umayaw sa eksenang naganap
Ngunit sa pag alis mo at hindi mo paglingon
Wala na akong nagawa, dahil alam kong kagustuhan mo yon

Ngayon nakatingin nanaman ako sa langit
Hawak hawak ang balikat kung saan ang ulo mo'y huling dumantay
Sinusulyapan ko yon, inaalala
ang hugis
ang bigat
ang emosyon ng taong huling pumatong roon.
Isang malalim na hininga ang pinakawalan ko

Yon ang ating huling gabi...

Ang aking huling gabi...

Ang huling pagtibok ng puso ko...

Photobucket