Paglisan I, Pebrero 2017Paglisan II, Pebrero 2017

Darating ang araw na iiwanan mo ako
Mawawala ang saysay ko sa buhay mo
Magiging isang inutil na lamang
Walang magawang bagay para sa iyo
Ngunit bago pa dumating ang araw na iyon
Iiwan na kita, mahal ko

Parang isang ektrang tuluyan nang natapos ang eksena
Lilisanin na ang entablado na kanina lang ay kabilang ako
Ngunit bago pa isara ang telon
Ako'y mawawala, ako'y maglalaho
Dahil sa araw na iyon ako ang mang-iiwan
Sa gayon ako ang may kasalanan sa ating paghihiwalay

Babawiin ko na ang puso kong inaalay ko sayo
Mawawala na ang halimuyak ng aking katawan sa piling mo
Maglalaho ako ng tuluyan sa buhay mo
Pawang isang aparisyon na biglang dumating at bigla ding nawala
Katulad ng isang alingawngaw na nauubos ang enerhiya
Sunud sunod ang buga ngunit pahina ng pahina

Sisigaw na muli ang katahimikan sa iyong patay na oras
Magagawa ng muli bumulong ng hangin sa iyong mga tenga
Ikakahon ko ang pagmamahal ko sayo
Itatali ng mahigpit at isasara ng matuwid
Itatago sa kailaliman ng kweba ng aking nagyeyelong puso
Ikukubli muli sa nyebe ang tunay na nararamdaman ko

Patawarin mo ako dahil hindi ko na magawang lumaban
Masakit para sa akin gawin ito
Aalis ako, hindi dahil hindi kita mahal
Aalis ako, dahil iyon ang makakabuti para sa iyo
Aalis ako, dahil yun ang dapat
Aalis ako, dahil yun ang tama

Mahal na mahal kita, kaya aalis ako mahal.
Mahal na mahal kita, paalam, mahal ko.

Paano nako mahal sa iyong pag-alis?
Hindi kita makakausap
Hindi kita mahahawakan
Hindi kita mayayakap
Hindi ko alam ko paano ko maipaparamdam
kung gaano kita minamahal

Sagutin mo naman ang tanong ko mahal.
Makakaya ko pa kung ilang kilometro lang ang layo natin
Ngunit dagat ang syang magpapahiwalay sa atin
Hindi kita matutulungan sa oras ng iyong pangangailangan
Hindi kita masasamahan sa oras ng iyong kagipitan
Hindi kita mahahagkan sa oras ng iyong kapaguran

Paano nako mahal? Sabihin mo!
Maawa ka naman sa akin
Ikaw lang ang tanging nagbibigay sakin ng lakas
Paano nako lalaban kung wala ka sa piling ko?
Unti-unti akong namamatay sa paglapit ng iyong paglisan
Parang isang sintensya sa aking puso habang ako'y buhay

Hindi na ba talaga kita mapipigilan?
Ayokong maging hadlang sa iyong mga pangarap
Ngunit gusto ko lang malaman kung paano nako
Ano na ba ang gagampanan ko sa buhay mo?
Iiwan mo ako, ano pa bang saysay ko?
Isang hamak na nanlilimos ng oras mo

Paano mo na ba ako iiwan?
Paulit ulit na naglalaro sa utak ko
Ang sandaling tatalikuran mo na ako
Lalakad palayo at mawawala ng tuluyan
Lilisanin ang pook na iyon
Tangan ang buhay ko


Photobucket