Mahal,

kung binabasa mo to ngayon, malamang, ito na ang huling araw ng pagkikita naten
kung binabasa mo to ngayon, malamang, nagawa ko na lahat ng bagay na itinakda kong gawin
mga bagay na napag-isipan kong gawin nung gabing iyon
yung gabing iyon
nung sinabi mong, di mo ako kayang mahalin

Mahal,

Patawarin mo sana ako
Patawarin mo ako sa pagiging mahina ko
Patawarin mo ako na mas pinili ko nalang na magpatalo kesa lumaban
Pero mahal, pinilit ko namang lumaban
Pinilit kong ipaglaban yung pagkakaibigan natin
Kahit hirap na hirap ako, pinilit ko pa rin lumaban
Nilabanan ko yung nararamdaman kong pagmamahal sayo

Mahal,

Bawat segundong gising ako, ikaw lang ang iniisip ko
Sa umaga, iniisip ko kung gising ka na ba, kung kumain ka na ba ng almusal, kung nakapasok ka na, kung late ka nanaman ba?
Sa hapon, ganun din, kung nakakain ka ng pananghalian, kung ayos lang ba ang araw mo sa eskwelahan
Sa gabi, ganun pa din, kung nakakain ka na nga, kung kasama mo pa ba ang mga kaibigan mo, kung nakauwi ka na at nakapagpahinga na
Nababaliw ako sa kakaisip sayo pag malayo ka
Pero nasasaktan naman ako pag kasama ka

Mahal,

Pag kasama kita gustong gusto kitang hawakan
pero pilit kong pinipigilan ang sarili ko mahal
pero gustong gusto ko mahal!
Gustong gusto ko!
Gusto kong yakapin yung braso mo para masabi ko na akin ka din
Gusto kong idantay ang ulo ko sa balikat mo para masabi ko din na may sumusuporta saken
Gusto kong humiga sa dibdib mo para maramdaman ko ang alab na nagpainit sa puso kong matagal ng malamig
Gusto kong yakapin ka ng mahigpit ng para maiparamdam ko naman sayo na mahal na mahal na mahal kita
Pero lagi kong pinipigilan ang sarili ko
Baka kasi tuluyan nakong makalimutan at madala sa sobrang pagmamahal ko sayo

Mahal,

Natatandaan mo pa ba nung naglalakad tayo?
Nung biglang sinabi mong ang lungkot lungkot ng buhay ko
Na kahit pa nakangiti ako eh kitang kita mo sa mga mata ko na malungkot
Sa totoo lang mahal, nagulat ako nun at natakot
Pilit kasi ako nagpapakatatag nun, dahil tama ka, malungkot ako
dahil ung gabi bago ung araw na yun, sinabi ng lalaking tinatangi ko na hindi nya akong kayang mahalin

Mahal,

Di ko inakala na sasabihin ko yun muli
Na hihiling ako muli ng imposible
Alam ko isa yong malaking kahibangan pero
nung gabing yon
nung sinabi mong hindi mo akong kayang mahalin
Hinilig ko na sana babae nalang ako
Alam ko kasi yun lang ang paraan para mahalin mo rin ako

Mahal,

gusto kong sumigaw
gusto kong magalet
gusto kong sumabog
dahil kahit ano pang talino at talento ko
At kahit pa anong bida ko sa lahat ng kakayahan ko
wala akong magagawa para mahalin ako ng lalaking pinakamamahal ko

Mahal,

Alam mo ba na sobrang bilib ako sayo?
Napakagaling mo kasi mahal
Di mo lang alam isa ka sa mga taong hinahangaan ko
Marami akong bagay na natutunan sayo
Kaya alam ko mahal magtatagumpay ka sa buhay mo
Kaya tuparin mo yung mga pangarap mo kahit na wala na ako
Hindi mo ako kelangan para tuparin ang mga yon
Alam ko at naniniwala ako kaya mo mahal.
Kayang kaya mo.

Mahal,

Gusto ko man sabihin na babalik ako, hindi ko magawa
Dahil hindi ko alam kung ilang araw, ilang linggo, ilang buwan, taon o dekada ko dadalhin sa puso ko ang damdamin ko para sayo
Ganun talaga siguro ang buhay natin
May darating, may aalis
Sa pagkakataong ito, ako ang aalis
dahil yun ang pinakamainam para sa'ting dalawa
sabihin mo na na ginagawa ko ito upang tumakas
kasi di katulad ng inaakala mo
mahina ako.
Napipilitan lang akong maging malakas at matapang
dahil wala namang gagawa nun para saken
tama ka, malungkot ang buhay ko.
at salamat at pinaligaya mo ako kahit sa maikling panahon na magkasama tayo

Hanggang dito nalang Mahal.
Hangad ko ang kaligayahan mo.
Mahal na mahal na mahal na mahal kita.